3 Namibiërs in Hierdie huis

 

Lené het al vir 'n week Namibiese Burgerskap. Die prentjie hierbo is uit my dagboek en dit is sommer net 'n sketsietjie. Ons het vir lank dit self probeer uitsorteer en die 1ste Maart het ek dit vir Liewe Jesus gegee. Hy het dit al lankal onder beheer. Soms moet ons net besef alles is in Sy hande. Ons wag nou vir papiere om 'n paspoort vir Lené te kry en dan kom kuier ons in Mei. Vir LANK!

 

Ek mis huis!

 

Ons week saam met Manlief:

 

'n Slapende Skoonheid:

 

 

 

Sy woeker nou al:

 

 

Badtyd giggeltjies:

Hierdie is die foto wat ek sal gebruik om hulle verhoudingtjie op te som. Sy lag meeste van die tyd wanneer hulle speel en sy wil altyd giggel wanneer hulle vir mekaar ogies maak.

 

 

Sommer net omdat:

 

 

Aangesien ek altyd agter die kamer is het ek die kamera vir Wolf gegee om 'n fototjie van ons te neem.

 

 

Die week wat verby is het ons bietjie gaan inkopies doen, gaan swem, na 'n 3 jarige se partytjie toe gegaan en by vriende op 'n plot gaan kuier wat die mooiste huisie daar gebou het.

 

Sien julle gou weer!

:)

 

Ons Desember

Ons het gaan braai een aand in die parkie, aangesien die son eers nag sê vir die maan voor hy sy kop neerlê.

 

 

 

 

 

Ek en Lené het so elke nou en dan 'n foto neem sessie op ons bed. Sy vreet haar voete op en groei hopeloos te vinnig.

 

 

 

 

 

 

 

 

 

Ons was Kings Park toe saam met vriende en hierdie gesiggiekind het uitgepaas in die kar:

 

 

 

Ons het Kersfees saam met vriende hier spandeer wat van Canada af kom en Kathryn het die heerlikste nagereg bymekaar gegoei:

 

 

 

 

Ons sien julle weer volgende week, aangesien dit Aussie dag is...

Doekesak - 6 mnde

More lieflikstes

 

Voorspoedige nuwejaar en welkom!

 

In dié Poller huis gaan dit rof, maar goed. Lené se tandvleisies is opgeswel en sy sukkel, word 4 of 5 keer deur die nag wakker en slaap langs hierdie Mamma, net sodat ek half mens is die volgende dag. Ek kan tandjies voel!

 

Aangesien ons in oorlewings rat was, het ek bietjie stil geraak hierso, maar ek sal opmaak daarvoor...

 

As 'n nuwe mamma het ek gesukkel met die doekesak situasie. Ek het altyd gegrawe wanneer ek iets soek en was bietjie moedeloos. Ek het gedink dit kan dalk ander Mammas help - want ek het 'n manier gekry wat werk (vir ons). Tot Pappa kan nou kry wat ons nodig het in dié sak.

 

Ons het n leer "weekend bag" wat effens groot is, maar ons geniet dit. Ek dink n rugsak sal dalk bietjie beter werk, maar hierdie een doen sy ding.

 

 

Hierdie is wat ek gewoonlik binne-in het:

 

 

Wat nie op die foto is nie:

Bottel Water

Beursie

Foon

 

Dalk tande beskuitjies as ek weet ons gaan winkels toe vir n rukkie

 

Goed wat los is:

Dun Kombersie

"Breastfeeding Cover"

Spoegdoek

Sakkies vir doeke

Hoedjie

Speelding

 

Groot sak:

4 doeke

Wipes

2 "Disposable changing mats"

Boud salfies

 

Middel sak:

Skoon klere kort en lang-mou

2 bibs

Sokkies

Ziplock sakkie vir siesa klere

 

Klein sakkie: (Mamma sakkie)

"Breastpads"

Kougom

Sonroom

Baba room

Tande salfies

"Softlips"

 

Dis dit - dit sal heel moontlik nou verander, aangesien ons met kossies begin het. Hoop dit help nuwe Mammas en ek hoop die Mammas met meer ondervinding kon lekker lag vir my 'groot trek.'

 

Sien julle gou weer met fototjies van Lené.

 

 

Doring Rosie

Hi

 

Om eerlik te wees is Mamma wees baie moeiliker as wat mense voorgee. Miskien is dit net makliker vir ander as vir my.

Dit is hoekom ek nie blog nie - Ek is bietjie poegaai!

 

Gister was die eerste dag wat dit nie vir my so moeilik gevoel het nie. Ons het gespeel en heerlik gelag, sy het een oomblik gesels en die volgende was sy so uit soos 'n kers. Ons altwee is dol verlief op Lené.

 

Die ding is om 'n Mamma te wees is nie net wanneer sy wakker is nie, dit is konstant sonder rus kans of "vakansie," dalk 'n asemhaal uur bad sessie wanneer sy slaap, maar tog wag jy in spanning tot sy weer wakker word om 100% van wie jy is en wat jy wil hê vir haar te gee.

 

Dan en eers oor 'n rukkie blom daardie gesiggie-kind van jou en giggel en gesels sy en glo sy in haarself, net omdat jy so sê.

 

En nou blom ons altwee.

 

 

Die tande muis bou sy huis

 

More lieflike lesers!

 

Ek voel soos 'n ander mens, Manlief is klaar met fifo (fly in fly out) vir die jaar. Dit beteken hy is vir die res van die jaar tot middel Februarie elke aand by die huis. Ons is nou 'n regte gesinnetjie en ek voel sommer ligter, maak dit sin?

 

Ek het begin met 'n "spyskaart beplanning" sodat ons nie elke tweede dag winkel toe hoef te gaan nie en ek dink dit help ook dat mens bietjie geldjies spaar. Indien julle vinnige, heerlike, redelike gesonde resepte het, deel hulle asseblief. Ek beplan net 5 dae 'n week en die ander 2 eet ons oorskiet of ietsie anders.

 

Ek het ook begin met 'n dagboek, soms tuimel gedagtes en dinge in my kop rond en pla my so bietjie en ek het besluit om dit op 'n bladsy af te laai. So kan ek fokus op dinge wat belangrik is en wat my gelukkig maak.

 

Eksamen is verby, eks bly ek het 2 vakke gevat, alhoewel ek baie verlig was toe dit klaar was. Wolf het elke keer saam gegaan en na Lené gekyk wat natuurlik 'n droom was.

 

Lené kry tandjies - sy kou alles en raak so bietjie geirriteerd omdat haar tandjies juk. Ons smeer salfies aan en so nou en dan sal ons haar tandvleisies vir haar vryf en daarna as sy nie beter voel nie gee ons bietjie Panado. Sy is mal oor die vissie se stert en kan dit al self in haar mondjie kry. Alles is sopnat en ons kan 'n tandjie sien deurkom.

 

 

 

 

Sy word so in die oggende wakker, sy huil nie, sy gesels en maak "blllll" geluidjies. Ek gee dan bietjie minder om om 5uur in die oggend wakker te word.

 

 

Ons het uiteindelik 'n mat gekoop by Ikea waarop Lené en ons bietjie kan ontspan, ek sit nou op die mat, soos 'n regte juffroutjie. Soos julle kan sien is sy spekvet en gesond.

 

m

 

 

Iemand het haar voetjies ontdek, sy suig darem nog nie haar tone nie, sy raak net aan haar voete om eerlik te wees dink ek daar is 'n magie wat bietjie in die pad is. :)

 

 

 

Ek het haar omtrent laat lag vanoggend, soms lag mens dat die trane loop en sy was ampertjies daar!

Lené 4 Maande Oud

Dagsê!

 

Ons het 'n BESIGE week gehad wat Manlief by die huis was.

Vrydag saam met vriende wie hul "Permanent Resident" papier gekry het spandeer, hulle het 'n partytjie gehou en ons het eers na 11 by die huis gekom - Die volgende oggend was Lené 6:15 wakker. Ek was peogaai en Wolf het haar toe gevat en besig gehou vir so uur en 'n half sodat ek kan slapies!

 

Ek is so dankbaar daarvoor!

 

Saterdag het ons by vriende gebraai.

 

Sondag het ons na 'n groente mark gegaan en ook saam met vriende Chinese kos gaan eet.

 

Ons het ook Sondag gaan swem met Lené vir die eerste keer. Aangesien ons nie nog 'n sak met die kamera wou voeg by ons 'groot trek' nie, het ons 'n paar fototjies geneem met my foon en hier is hulle:

 

Sy is ook MAL oor haar Pappa :)

 

 

Ons het so half uur in die swambad gesit en sy was so vreeslik rustig en het net gesit en na die ander maatjies gekyk.

 

 

 

Sy is die dierbaarste gesiggie en doedoe nou!

Dit is dit vir die week - Lekker dag vir julle.

 

:)

 

Hier is ons weer

Ek het so bietjie laasweek 'n breek gevat van die Blog-wereld,

wanneer Wolf weg is het ek nie regtig iets om oor te skryf nie.

Ons 2 meisiekindertjies is meeste van die tyd net by die huis.

 

'n Fifo (fly in fly out) rooster of enige werk waar die man van die huis nie by die huis is nie, is moeilik. Wolf is 7 nagte by die huis en 7nagte uit op kamp. So vir die van julle wie lees en wie julle mans by die huis het in die aande, wees dankbaar - sommer vir ons wat nie daardie voorreg het nie.

 

Die enigste opwindende ding wat in die laaste twee weke gebeur het; dit het gehael in Perth, ek en Lené het weggekryp sodat ons nie naby die vensters is nie, sy het wakker geword van die hael en hier is 'n fototjie van ons grassies:

 

 

Ek het ook die 28ste Oktober my eerste eksamen geskryf, Wolf en Lené het saam gekom. Ons het so bietjie verslaap (35min) en was betyds Lené was oppad soontoe 'n engel, ek en sy het net gesels tot by die Tannie se huis. Ek het haar aan die slaap gemaak en sy het vir so uur geslaap terwyl ek skryf. Wolf het haar toe nog so 20min besig gehou totdat ek klaar was. Ek was bietjie bekommerd oor die hele situasie - vir geen rede! Lené wil niks weet van 'n bottel nie, het julle enige wenke oor hoe om 'n bottel voor te stel?

 

Ek het ook my haartjies gesny, hulle val vreeslik uit en is ORAL - Ek het net genoeg gehad en ek lyk nou so:

 

 

Lené het die laaste twee weke omtrent 'n groot meisietjie geword. Ons was na 'n "Child Health" afspraak en sy is nou 61cm lank en weeg 7.4kg. Sy is 'n gesonde babatjie en ons is omtrent geseen! Sy het ook die 22ste Oktober vir die eerste keer gegiggel - dit was kosbaar!

 

Sy het ook haar handjies ontdek.

Hulle hou goetertjies vas en ook mekaar! (my hare word getrek) Sy gesels ook baie meer en herken sekere woorde.

 

 

Sy slaap baie goed!

Ons gaan winkel toe stap later vandag en dit is ons plannetjies vir nou!

Julle moet 'n heerlike daggie he.

 

 

Ons sien julle weer.

:)